25 ноября 2016 г.
Республикăра, районта ноябрĕн 14-25-мĕшĕсенче "Вилĕм ăçта сутнине пĕлтер!" акци иртет. Акци тĕллевĕ - наркотиксен, психоактивлă мĕнпур хутăшсен саккунсăр çаврăнăшне пỹлесси. Çавăнпа пĕрлех наркомани ыйтăвĕпе профилактика ĕçĕсем ирттересси, наркотик усă куракансене сывалма пулăшасси те тĕп вырăн йышăнать.
Акци вăхăтĕнче районти шалти ĕçсен пайĕн сотрудникĕсем вăтам тата тĕп шкулсенчи ачасемпе, ялсенче пурăнакансемпе тĕл пулнă, наркомани ыйтăвĕпе профилактика калаçăвĕ ирттернĕ. Уйрăмах ачасене наркомани пысăк сиен кỹни пирки каласа пани вырăнлă. Вĕсене ытларах сывă пурнăç йĕркипе пурăнма хăнăхтармалла, спортпа туслаштармалла, пушă вăхăта усăллă ирттерме хавхалантармалла.
Г.КОКШИН,
районти шалти ĕçсен пайĕн начальникĕ.
Источник: "Каçал Ен"