22 ноября 2016 г.
Культурăпа туризм аталанăвĕпе тỹрремĕн çыхăннă çĕнĕ йышăнусемпе килĕшỹллĕн республикăра малашне Туризм информаци центрĕ ĕçлеме тытăнĕ.
Культура программисен дирекцине халĕ çапла калаççĕ. Çĕнĕ центра Шупашкар арбатĕнчи Ехрем хуçа çуртĕнче вырнаçтараççĕ. Республика районĕсенчи туризм маршручĕсене йĕркелес енĕпе малашне вăл ĕçлĕ.
Чăваш Республикин Министрсен Кабинечĕ çавăн пекех республикăн электрон тата кинодокументаци архивне "Чăвашкино" киностудие куçарассине те ырласа йышăннă. Патшалăх учрежденине истори ятне тавăрни пулать ĕнтĕ ку.
Источник: "Каçал Ен"