Публикации » Юбилей тĕлне - 430 млн тенкĕ

22 ноября 2016 г.

 Нумаях пулмасть Чăваш Республикин премьер-министрĕ Иван Моторин 2019 çулта Шупашкар хули 550 çул тата 2020 çулта Чăваш автономине туса хунăранпа 100 çул çитнине уявлассине хатĕрленмелли ĕç ушкăнĕн ларăвне ирттернĕ. Министерствăсен тата Шупашкар хула администрацийĕн ĕçченĕсем юбилей ирттерме федераллă бюджетран укçа илме заявка тăратассине сỹтсе явнă. Чăваш автономи облаçне туса хунăранпа 100 çул çитнине çĕршыв шайĕнчех паллă тăвĕç. Çавăнпа та виçĕ çул хушши - 2018 çултан пуçласа 2020 çулччен - пирĕн республикăна çулсерен 143,3 млн тенкĕ субсиди куçĕ. Анчах та çакна валли заявкăна çитес çулхи май уйăхĕччен çырса парса ĕлкĕрмелле. 430 млн тенкĕпе танлашакан субсидие РФ Культура министерстви республикăна софинансировани мелĕпе куçарĕ. ЧР культура министрĕ Константин Яковлев пĕлтернĕ тăрăх, асăннă нухратăн пĕр пайне культура учрежденийĕсене юсаса çĕнетнĕ çĕре ярасшăн.

Источник: "Каçал Ен"