22 ноября 2016 г.
Чăваш Енре 2017 çул Амăшĕн тата ашшĕн çулталăкĕ пулĕ. Кун пирки республика Пуçлăхĕ Михаил Игнатьев ноябрĕн 21-мĕшĕнче Министрсен Кабинечĕн членĕсемпе, федерацин влаç органĕсен территорири ертỹçисемпе, муниципалитетсен пуçлăхĕсемпе ирттернĕ планеркăра пĕлтернĕ.
Çитес çул Амăшĕн тата ашшĕн çулталăкне çирĕплетме Хĕрарăмсен тата Ашшĕсен республикăри канашĕсем ыйтнă. Чăваш Республикин Пуçлăхĕн Администрацийĕн ертỹçи Юрий Васильев ку ыйтăва ĕç тăвакан влаç органĕсенче, вырăнти хăй тытăмлăхра тăрăшакансемпе тата общество организацийĕсемпе сỹтсе явнине пĕлтернĕ.
Источник: "Каçал Ен"