18 ноября 2016 г.
Чăваш Республикин Шалти ĕçсен министерстви граждансене электрон мелпе патшалăх пулăшăвĕсемпе тивĕçтересси çине пысăк тимлĕх уйăрать. Тĕслĕхрен, республикăра пурăнакансем ют çĕршыв тата Раççей паспорчĕсене илес, пурăнакан вырăнта регистрациленес тата регистрацирен тухас тесессĕн Пĕрлехи патшалăх порталĕпе усă курма пулать. Портал урлă ыйту çырма чи малтанах унта регистрациленни кирлĕ. Миграци ыйтăвне пырса тивекен уйрăмра заявлени çăмăллăнах çырма пулать. Электрон мелпе килнĕ документсене пăхса тухаççĕ. Граждансене çăмăлрах тата меллĕрех пултăр тесе патшалăх пулăшăвĕсемпе усă курма онлайн мелпе йышăнăва та çырăнма пулать. Çакна пурнăçлама guvm.mvd.ru адреспа сайта кĕмелле те патшалăх пулăшăвĕ хăçан илессине палăртмалла, йышăнăва çырăнмалла.
Патшалăх пулăшăвĕсемпе çавăн пекех республикăри нумай функциллĕ центрсем урлă та усă курма май пур.
Муниципалитетсем хушшинчи "Комсомольский" уйрăмăн миграци пункчĕ.
Источник: "Каçал Ен"