15 ноября 2016 г.
Чăваш Енре ултавçăсем ватă хĕрарăма 67 пин те 500 тенкĕсĕр хăварнă.
Республика территорийĕнче пурăнакан ватă, иртнĕ ĕмĕрĕн 90-мĕш çулĕсенче "МММ" ĕçне пула инкек тỹснĕ пулин те, кăçал каллех унăн авăрне çакланнă.
ЧР Шалти ĕçсен министерствин пресс-служби пĕлтернĕ тăрăх, ултавçăсем ватă хĕрарăм патне шăнкăравланă, 20 çул каялла финанс пирамидине хунă укçана тавăрма пулать тесе пĕлтернĕ. Анчах та çавна валли 17 пин тенкĕ чухлĕ "комисси" тỹлемелле-мĕн. Çапла майпа вĕсем ватă çын карттин реквизичĕсемпе парольне пĕлсе унăн счечĕ çинчен 67 500 тенкĕ вăрланă.
Полици ĕçченĕсем ултавçăсене шыраççĕ, граждансене палламан-пĕлмен çынсемпе калаçнă чух тимлĕрех пулма ыйтаççĕ.
Источник: "Каçал Ен"