15 ноября 2016 г.
Чăваш Енре, çав шутра пирĕн районта та, ноябрĕн 14-25-мĕшĕсенче "Вилĕм ăçта сутнине пĕлтер!" акци иртет. Тĕллевĕ - наркотиксен кăна мар, психоактивлă мĕнпур хутăшăн, çав шутра туртмалли хутăшсен саккунсăр çаврăнăшне пỹлесси. Унсăр пуçне наркомани ыйтăвĕпе профилактика ĕçĕсем ирттересси, наркотике усă куракансене сывалма пулăшасси те малти вырăнта.
Акци вăхăтĕнче район территорийĕнче пурăнакансем шанăç телефонĕсем çине 8(8352)58-33-33 номерпе ЧР ШĔМĕн Наркотĕрĕслев управленине, 5-14-17 номерпе муниципалитетсем хушшинчи "Комсомольский" уйрăма, 5-12-02 номерпе шăнкăравласа наркотиксемпе ăçта усă курни, ăçта сутни çинчен анонимлă майпа пĕлтерме пулать. Çавăнпа пĕрлех Комсомольски тĕп больницин врач-наркологĕ Л.Ярышева патне çитсе е 5-24-37 номерпе шăнкăравласа консультаци тата квалификациллĕ пулăшу илме май пур.
Унсăр пуçне районти кашни вĕрентỹ учрежденийĕнче наркотикĕн саккунсăр çаврăнăшĕ пирки анонимлă çырусем яма "Вилĕм ăçта сутнине пĕлтер!" ятарлă ещĕксем вырнаçтарĕç.
Источник: "Каçал Ен"