15 ноября 2016 г.
Сентябрьте Шупашкарта республикăра пурăнакан халăхсен съезчĕ иртрĕ. Унта Чăваш Енри тỹре-шарапа пĕрлех "В мире животных" телекăларăма ертсе пынипе палăрнă Николай Дроздов та хутшăннăччĕ. Асăннă мероприятире Чăваш Енре пурăнакансен ассамблейине йĕркеленĕ, ăна ертсе пыма Лев Куракова шаннă.
Съезд иртнĕ хыççăн икĕ уйăхран ассамблея киллĕ пулса тăнă. Ăна Социаллă университетăн филиалĕ вырнаçнă çурта пама йышăннă. Шупашкарти Хусанкай урамĕнчи 20-мĕш çуртра вырнаçнăскере Лев Кураков çывăх вăхăтра хăтлăх кĕртесшĕн.
Çак кунсенче Мускавра Еврази халăхĕсен ассамблейине йĕркеленĕ. Пирĕн республикăри ассамблея унта чи малтан кĕнĕ. Лев Кураков Мускавра иртнĕ Раççейри тата Евразири халăхсен пĕрремĕш форумне хутшăннă май мероприяти пирки кĕнеке те пичетлесшĕн.
Источник: "Каçал Ен"