15 ноября 2016 г.
Çулсеренех Чăваш Енре пурăнакансем Республика кунĕнче савăнаççĕ, кашни çул ăна тĕрлĕ районта уявлаççĕ. Акă, ноябрĕн 10-мĕшĕнче республика Пуçлăхĕ Михаил Игнатьев 2017 çулхи Республика кунне Пăрачкав районĕнче ирттересси çинчен калакан йышăнăва алă пуснă.
ЧР Министрсен Кабинетне 2017 çулхи Республика кунне ирттерме мероприятисен планне йĕркелеме хушнă. Çавăнпа пĕрлех суйласа илнĕ района вырăнти ялсен инфраструктурине аталантарма республика Пуçлăхĕн грантне тỹлеме йышăннă. Республика кунне ирттерме тата ăна хатĕрленме Пăрачкавсене республика бюджетĕнчен ятарласа 10 миллион тенкĕ уйăрĕç.
Источник: "Каçал Ен"