11 ноября 2016 г.
Юр çунă-çуманах шăпăрлансем çунашкисемпе йĕлтĕрĕсене туртса кăларчĕç. Районти хоккей курупкисемпе катоксем те çитес вăхăтрах уçăлĕç, арçын ачасем клюшкăсем тытса хоккейла выляма та пикенĕç. Республикăра вара хоккей турнирĕсем те ирттерме пуçларĕç.
Акă, иртнĕ шăматкун, ноябрĕн 5-мĕшĕнче, Вăрнарти "Кристалл" пăр керменĕнче халăх йышлă пухăннă. Кунта хоккей вăййин республикăри 2017 çулхи первенствин черетлĕ турнирĕ иртнĕ. Çак тапхăрта чи тĕп вăйă "Кĕтне" тата "Комсомольский" хоккей командисен тупăшăвĕ пулчĕ. Хĕрỹ тупăшура "Кĕтне" ушкăнри хоккеистсем самай вăйлăрах пулни палăрчĕ. Вăйă 13:2 шутпа вĕçленчĕ. Чемпионат пуçланнă кăна-ха, çавăнпа та çитес вăхăтрах республикăри хоккей командисем хăйсен профессионаллă вăййисемпе савăнтарĕç.
Ю.БОРОВКОВ.
Источник: "Каçал Ен"