11 ноября 2016 г.
Район администрацийĕнче "пĕр чỹрече" мелĕпе ĕçлекен нумай функциллĕ центр халăха тĕрлĕ ыйтупа йышăнни питĕ меллĕ. Кунта килнĕ çынна чи малтанах тивĕçлĕ консультаци параççĕ, документсене йышăнаççĕ. Палăртнă вăхăтра унăн хатĕр документсем илме килмелле кăна.
Нумай функциллĕ центр халăха кăткăс, документпа справка пухасси вăрах тăсăлакан ыйтусемпе йышăнать. Кунти ĕç-хĕл анлăлансах пырать, хушма пулăшусем те кĕрсех пыраççĕ.
Акă, 2016 çулхи иртнĕ 9 уйăхра районти нумай функциллĕ центра патшалăх тата муниципалитет пулăшăвне илме 15605 çын килнĕ. Центр ĕçченĕсем район çыннисене яланах хапăл тăваççĕ, вĕсен ыйтăвне çỹллĕ шайра тивĕçтерес тесе тăрăшаççĕ. Кашни специалист вăтамран кунсерен 18 обращенине пăхса тухать. Асăннă 9 уйăхра нумай функциллĕ центр документсен 4207 пакетне панă, 3114 консультаци ирттернĕ.
Çавăнпа пĕрлех асăннă тапхăрта нумай функциллĕ центр панă пулăшусемшĕн 1997872 тенкĕлĕх патшалăх пошлини илнĕ, çав шутран 25 проценчĕ район бюджетĕнчех юлнă.
Источник: "Каçал Ен"