Публикации » Çамрăк наставниксем пулăшĕç

11 ноября 2016 г.

Чăваш Республикин ĕç тăвакан влаç органĕсенче ĕçе вĕрентекен институт пурнăçа кĕрĕ. Кун пирки ноябрĕн 9-мĕшĕнче Чăваш Ен Пуçлăхĕ Михаил Игнатьев Указа алă пусса çирĕплетнĕ. Ырă хыпара вăл Чăваш Республикин Министрсен Кабинечĕн черетлĕ ларăвĕнче пĕл-тернĕ. Хальхи вăхăтра республикăри ĕç тăвакан влаç органĕсенче пур тытăмра та кадрсене çĕнетес, çамрăксене "çул парас" ĕç пынине асăннă. "Калас пулсан, мĕнпур 365 ĕçлекен çынран 20 проценчĕ - 30 çула çитмен яш-кĕрĕм. Кадрсен резервĕнче 250 яхăн çамрăк шутланать. Ĕç тăвакан влаç органĕсенче тăрăшакансенчен 1/3 пайне 30-35 çула çитнĕ çамрăксене ĕçлеттерме тĕллев лартатпăр. Çамрăксемпе тухăçлă ĕçлеме пулать, вĕсен тавракурăмĕ те çав тери анлă", - тенĕ Михаил Игнатьев. Наставниксем патшалăх граждан служащийĕсен пĕлỹ шайне ỹстерме витĕм кỹрĕç. Ку енĕпе Чăваш Республикин Финанс министерствин çав тери паха опыт пулнине каласа хăварнă Михаил Васильевич.

Источник: "Каçал Ен"