11 ноября 2016 г.
Кăçалхи сентябрь уйăхĕнче Пĕтĕм Раççейĕпех "Вĕренỹ заведенийĕсенчи финанс пĕлỹлĕхĕн кунĕ" акци иртнĕ. Ун программипе килĕшỹллĕн шкулта тата аслă вĕренỹ заведенийĕсенче вĕренекенсемпе профессионаллă финансистсем тĕл пулнă. Программа пуçланнă куна та ахальтен суйласа илмен иккен, сентябрĕн 8-мĕшĕ Финансист тата Раççейри халăхсем хушшинчи пĕлỹлĕх кунĕсене лекет.
Мероприяти куçăмлă тата дистанциллĕ майпа иртнĕ. Занятисене итлекенсене финанс инструменчĕсем пирки пĕлтерес, финанс планне пĕлсе йĕркелеме, укçа-тенкĕпе тухăçлăн усă курма, финанс пирамидисене лекес маррине вĕрентес тĕллевпе 14 темăпа йĕркеленĕ.
Çавăнпа пĕрлех программăна патшалăх тата коммерциллĕ финанс организацийĕсен представителĕсем те хутшăннă. Паянхи куна асăннă уроксем 4760 пĕлỹ çуртĕнче иртнĕ. Çак ĕçе чи нумай заведенине хутшăнтарнă регионсем хушшинче Брянск облаçĕ (480 вĕренỹ заведенийĕ), Волгоград облаçĕ (382 вĕренỹ заведенийĕ), Чăваш Республики (191 вĕренỹ заведенийĕ) çирĕпленнĕ.
Анатолий Гавриленко, "САПФИР" НП Сăнав совечĕн председателĕ:
- Çамрăксем хушшинче финанс пĕлĕвне ỹстерсе эпир вĕсен хăйсен прависен пĕлỹлĕхне аталантаратпăр, çĕнĕ инвестицисем пирки пĕлтеретпĕр. Çапла майпа обществăра çирĕп вырăн йышăнма пултаракан, финанс ыйтăвĕсене лайăх пĕлекен çынна çитĕнтеретпĕр. Ку пархатарлă ĕçе бизнес сферинче ĕçлекен финансистсем çеç мар, патшалăх служащийĕсемпе вĕрентỹ учрежденийĕсен сотрудникĕсене те явăçтарнă. Асăннă ĕç хамăрăн инвесторсен шутне ỹстерме, пирĕн рынока тата Раççей экономикине çирĕплетме те самай пулăшать.
Источник: "Каçал Ен"