08 ноября 2016 г.
Чăваш гидрометеорологи центрĕ пĕлтернĕ тăрăх, ноябрĕн 7-9-мĕшĕсенче республика территорийĕнче пĕлĕтлĕ çанталăк пулать, юр та çусах тăрĕ. Вырăн-вырăнпа юр 2-10 миллиметр таранах ỹкме пултарать. Сывлăш температури -1 тата -5 градус сивĕ пулать. Çил хĕвел тухăçран кăнтăр-хĕвел-анăçа куçса вĕрĕ. Вырăн-вырăнпа çил-тăман вĕçтерĕ, йĕпе юр çăвĕ. Çулсем юрлă тата пăрлă пулĕç.
Çакăн пек лару-тăрăва пула электричество пралукĕсем пăрланса ларма пултараççĕ, татăлас хăрушлăх та пур. Водительсен çулсем çинче асăрхануллăрах пулмалла, çивĕч тапхăрта çул-йĕр инкекĕсен шучĕ ỹсме пултарать.
Çỹлерех асăннине тĕпе хурса энергетика, çул-йĕр тата коммуналлă службăсене, муниципалитетсен пуçлăхĕсене тата ытти яваплă организацисене çулсене хăйăрпа тата тăварпа сапассине, водительсене çул-йĕр çинчи лару-тăру пирки вăхăтра пĕлтерессине, социаллă тата экономика объекчĕсем çỹлти шайра ĕçлессине йĕркелеме, ăшăнмалли тата медицина пулăшăвĕ памалли пунктсемпе тивĕçтерме сĕнетпĕр.
Енчен те лару-тăру йывăрлансан Чăваш Республикин Чрезвычайлă ĕçсен министерствине 8(8352)62-32-08 номерпе шăнкăравласа е cuks21@mail.ru (mchs@cap.ru резервлă адрес) электрон почта çине çырса ярса пĕлтерме ыйтатпăр.
Е.КЛЯПОВ,
шалти служба подполковникĕ.
Источник: "Каçал Ен"