28 октября 2016 г.
Тинĕс-çар флочĕ йĕркеленнĕренпе кăçал - 319 çул. 300 ытла çул каялла I Петр патша пуçарнипе йĕркеленнĕскер, Раççей çĕршывне чи хăватлисен йышне кĕме май пачĕ. Кунта пирĕн моряксен çарти паттăрлăхĕпе çĕнтерĕвĕсем пирки çеç сăмах пымасть. Тинĕс-çар флочĕ Раççейшĕн çĕнĕ çĕрсене уçма та пулăшнă. Çĕршыв кун-çулĕнче Сенявин, Ушаков, Нахимов ячĕсемпе юнашар Лисянский, Крузенштерн, Беллинсгаузен, Лазарев ячĕсем те çиçеççĕ. Халĕ планета картти çинче "шурă пăнчăсем" юлман пулин те, Тинĕс-çар флочĕ Тăван çĕршыва хỹтĕлессипе палăрса тăрать. Унăн хăвачĕ - моряксен аслă ăрăвĕсен çапăçусенче туптаннă йăли-йĕркинче.
Тинĕс-çар флочĕн ветеранĕсене уяв ячĕпе чун-чĕререн саламлатпăр. Тинĕс-çар флотĕнче службăра пулнисене октябрĕн 30-мĕшĕнче район центрĕнчи палăк патĕнче 10 сехетре пуçтарăнма ыйтатпăр. Пирĕн ентешсем чăннипех мухтава тивĕç - мирлĕ пурнăçра вĕсен тỹпи те пур.
Районти "Тинĕс тăванлăхĕ" обществăлла организаци.
Источник: "Каçал Ен"