25 октября 2016 г.
2018 çулта Раççейре футбол енĕпе тĕнче чемпионачĕ иртĕ. Ку мероприятие ирттерме тĕплĕн хатĕрленеççĕ. Тĕнче чемпионачĕн паллине тĕнче тетелĕнче сасăлав мелĕпе суйланă. Унта 1 миллион ытла çын хутшăннă.
Пĕтĕмлетĕве Пĕрремĕш каналпа тỹрĕ эфирта тунă. Ун чухне футбол чемпионачĕн палли мĕн пулассине каланă. Ытларахăшĕ Кашкăршăн сасăланă, вăл çĕнтернĕ. Тĕнче чемпионачĕн палли Забивака ятлă пулĕ. Кун пирки "Раççей - 2018" йĕркелỹ комитечĕн пуçлăхĕ Виталий Мутко пĕлтернĕ.
Сăмах май, сасăлав 1 уйăх каялла пуçланнă. Çынсем виçĕ чĕрчуншăн - Тигршăн, Кушакшăн тата Кашкăршăн - сасăлама пултарнă.
Тĕнче чемпионачĕ Раççейре пĕрремĕш хутчен 2018 çулхи июнĕн 14-мĕшĕнчен июлĕн 15-мĕшĕччен иртет. Футбол вăййисене çĕршыври 11 хулара йĕркелеме палăртнă: Мускавра, Санкт-Петербургра, Хусанта, Чулхулара, Екатеринбургра, Калининградра, Самарта, Волгоградра, Сочире, Дон çинчи Ростовра, Саранскра.
Источник: "Каçал Ен"