21 октября 2016 г.
Пĕтĕм Раççейри "Халăх участковăйĕ - 2016" конкурсăн иккĕмĕш тапхăрĕ вĕçленнĕ. Унта Чăваш Енĕн чи лайăх участковăйне палăртнă.
Чăваш Енĕн Шалти ĕçсен министерствин сайтĕнчи онлайн-сасăлавпа октябрĕн 7-16-мĕшĕсенче çынсем федераци шайĕнче пирĕн регионран полицин участокри чи лайăх уполномоченнăйĕ кам пулассине палăртнă.Сасăлавăн юлашки кунĕнче Çĕнĕ Шупашкарти полици пайĕн участокри уполномоченнăйĕ Сергей Александров малта пынă. Юлашкинчен анчах вăл çĕнтерỹçĕ ятне хăйĕн ĕçтешне - Канаш районĕнчи полици пайĕнче тăрăшакан Сергей Ипатьева панă. Уншăн 5002 çын сасăланă.
Полици аслă лейтенанчĕ Сергей Ипатьев шалти ĕçсен органĕсенче 2012 çултанпа службăра тăрать. Унăн админи-стративлă участокĕ 3640 çын пурăнакан Асхва ял тăрăхĕнче вырнаçнă.
Чăваш Республикин чи лайăх участковăйĕ ноябрĕн 1-10-мĕшĕсенче иртекен Пĕтĕм Раççейри конкурсăн финалне хутшăнать. Çак вăхăтра федераци шайĕнче онлайн-сасăлав иртет. Сасăлава хутшăнса Сергей Ипатьевшăн сасăласчĕ.
Чăваш Республикин ШĔМĕн пресс-служби.
Источник: "Каçал Ен"