21 октября 2016 г.
Районта 9 уйăхра 17 хутчен пушар тухнă. Пĕлтĕр çак вăхăтра 14 пушар пулнă.
Вут-çулăмра 2500000 тенкĕлĕх пурлăх çунса кĕлленнĕ, 2 çын пурнăçĕ татăлнă. Шел пулин те, пушарсен шучĕ ỹсни сисчĕвлентерет. Уйрăмах Хирти Сĕнтĕр, Александровка, Тукай ял тăрăхĕсенче пĕлтĕрхипе танлаштарсан ытларах пушар тухнă. Районта пурăнакансем электрооборудованипе асăрханусăр пулни, пушар хăрушсăрлăхĕн правилисене пăхăнманни инкек патне илсе çитернĕ. Тимлĕ пуласчĕ, вут-çулăм тухнине асăрхасассăнах "01" е "112" номерпе шăнкăравлăр.
Д.КУЗЬМИН.
Источник: "Каçал Ен"