Публикации » Паттăрсен ячĕпе - марка

18 октября 2016 г.

Раççей Почти октябрь уйăхĕн пуçламăшĕнче "Раççей Федерацийĕн Геройĕсем" серипе килĕшỹллĕн терроризмпа кĕрешекен паттăрсене - Николай Скрыпник генерал-майора тата Марк Евтюхин подполковника - чысласа почта çаврăнăшне икĕ марка кăларнă. Çар çыннисене иккĕшне те вилнĕ хыççăн "Раççей Федерацийĕн Геройĕ" ят панă. Николай Васильевич Скрыпник (1944-1996) Раççей ШĔМĕн Çурçĕр Кавказ округĕнчи шалти çарĕсен командующийĕн пĕрремĕш çумĕ пулнă. Контртеррористла операцинче паттăрлăх кăтартнă, йывăр аманнă, госпитальте вилнĕ. Марк Васильевич Евтюхин (1964-2000) 76-мĕш гвардин сывлăшпа десант дивизийĕн 104-мĕш парашютпа десант полкĕн парашютпа десант батальонĕн командирĕ пулнă. Вăл саккунсăр йĕркеленнĕ боевиксен ушкăнĕсене тĕп тунă чухне хастарлăх кăтартнă. Талăк ытла пынă çапăçура командир хăй пĕччен 15 преступника тĕп тунă, çавăн чухне вилмеллех аманнă. Десантниксем хăйсен çар тивĕçне чыслăн пурнăçланă, бандăна кĕрсе кайма паман, 400 ытла боевика тĕп тунă.

Источник: "Каçал Ен"