14 октября 2016 г.
Канмалли кунсене яланах усăллă, хаваслă та асра юлмалла ирттерес килет. Акă, иртнĕ вырсарникун эпир, районти искусство шкулĕнче тĕрлĕ ăсталăха вĕренекенсем, Шупашкар хулине çитсе килтĕмĕр. Шкул ачисем, вĕрентекенсем Оперăпа балет театрĕнче Петр Чайковскин "Щелкунчик" балетне курса килентĕмĕр. Ачасенчен чылайăшĕ, çав шутра эпĕ те, пĕрремĕш хутчен балетра пулса куртăмăр. Тĕлĕннине пытармастăп. Балет курма çав тери килĕшрĕ, пурте музыка тĕнчине "путрăмăр". Петр Чайковский "Щелкунчик" произведение 1816 çултах çырнă пулин те, вăл хăйĕн хаклăхне çухатман. Ăна пин-пин куракан хапăлласа йышăннă, йышăнать те. Вырсарникунхи балета курма аслисем те, ачасем те йышлăн пухăннă, пушă вырăн çук тесен те тĕрĕс.
Балет кайса курма хавхалантарнăшăн вара чи малтанах искусство шкулĕн вĕрентекенĕсене Наталья Ковшовăна, Любовь Петровăна, Ираида Спиридоновăна, Надежда Абдюшевăна чĕререн тав тăвас килет. Вĕсем чăннипех те пуян опытлă педагогсем. Ачасене юрлама, тĕрлĕ инструментпа выляма, ỹкерме вĕрентнипе пĕрлех музыка тĕнчипе те çывăхлатаççĕ, паллă артистсем мĕнле вылянине курса киленме майсем туса параççĕ.
Оперăпа балет театрне эпир пĕрре кăна мар çитĕпĕр.
В.ЕФРЕМОВА.
Источник: "Каçал Ен"