14 октября 2016 г.
Тукай Мишер ялĕнче пурăнакан Бибизиян Зинетулловна Минетуллина çак кунсенче 90 çул тултарнă. Юбилей ячĕпе ăна Раççей Президенчĕ Владимир Путин Çырупа саламланă. Ку саламлă Çырăва кинемее район администрацийĕн ял хуçалăхпа экологи пайĕн начальникĕ Илдус Миннетуллин тата Урмаел ял тăрăхĕн пуçлăхĕ Минзаит Зайнуллин çитерсе панă, Президентăн ăшă сăмахĕсемпе пĕрлех хăйсем те ăна юбилей ячĕпе саламланă, ырлăх-сывлăх суннă.
Бибизиян Зинетулловна Тукай Мишер ялĕнче çуралса ỹснĕ. Унăн кун-çулĕ хăйĕнпе пĕр ỹсĕмрисенчен уйрăлса тăмасть. Пăрачкавра вăрман каснă çĕре хутшăннă, окоп чавма каясран та тăрса юлман, вăл ял-йышра ĕçченлĕхпе, ăш-пиллĕхпе палăрать. Хура-шурне нумай курма тивнине пăхмасăр пурнăç илемне çухатман вăл, малашлăха шанма пăрахман. Çынсене хисеплет, тăванĕсене сума сăвать, ачисемпе тата 10 мăнукĕпе савăнать.
Бибизиян аппа ĕмĕр тăршшĕпех вырăнти хуçалăхра тăрăшнă. Паян вăл ывăлĕпе кун кунлать. Çак ялтах пурăнакан кинĕпе мăнукĕсем те час-часах килсе тăраççĕ, май çитнĕ таран пулăшаççĕ.
Источник: "Каçал Ен"