11 октября 2016 г.
Юпа уйăхĕн 8-мĕшĕнче, шăматкун, районти "Кĕтне" физкультурăпа спорт комплексĕн стадионĕнче Европа чемпионачĕсенче пĕрре кăна мар призер пулнă С.И.Зубарева халалласа полиатлон енĕпе пенсионерсем хушшинче ăмăрту иртрĕ.
Çак ăмăртăва 60 çултан пуçласа 94 çула çитнисем те хутшăнчĕç. Акă, 85 çулхи Е.С.Сорокин, 94 çулхи Р.П.Моисеев ăмăртуран айккинче юлмарĕç. Р.П.Моисеев чупас вырăнне стадионри чупмалли çула 4 хут çаврăнса (1600 м) хăвăрт утса тухрĕ. Вăл çамрăксене те, пенсионерсене те ырă тĕслĕх кăтартса пачĕ.
Н.С.Сахров, А.П.Самаркин, В.И.Пундяков, Е.С.Сорокин, Р.П.Моисеев хăйсен ушкăнĕсенче çĕнтерỹçĕсем пулчĕç. Çĕнтерỹçĕсене, призерсене грамотăсем, парнесем парса чысларĕç, пурне те кафере апат çитерчĕç. Л.Г.Чернова предпринимателе, Н.С.Сахрова тата "Кооператор" ООО администрацине спонсорла пулăшу кỹнĕшĕн тав тăватăп.
Çакăн пек ăмăрту юпа уйăхĕн вĕçĕнче тепре ирттерме палăртнă. Унта пенсионерсемпе пĕрле 50 çултан иртнисем те хутшăнма пултарĕç.
В.ПУНДЯКОВ.
Источник: "Каçал Ен"