04 октября 2016 г.
Ираида Никитина, районти социаллă хỹтлĕх пайĕн начальникĕ:
- Раççей Федерацийĕн саккунлăхĕпе килĕшỹллĕн тивĕçлисене адреслă пулăшу пама кирлине тĕпе хурса Чăваш Республикин 2015 çулхи декабрĕн 31-мĕшĕнчи 89 № "Чăваш Республикин уйрăм саккун акчĕсене улшăнусем кĕртесси çинчен" саккунĕпе килĕшỹллĕн Чăваш Республикин хăш-пĕр саккунĕсене улшăнусем кĕртнĕ, çав шутра Чăваш Республикин 2005 çулхи февралĕн 8-мĕшĕнчи "Уйрăм категорири граждансене пурăнмалли çурт-йĕрпе коммуналлă тỹлевшĕн социаллă пулăшу памалли мерăсем çинчен" саккунне те. Ялти специалистсем (педагогсем, медицина ĕçченĕсем, фармацевтсем, культура тата ветеринари службин ĕçченĕсем) пурăнмалли çурт-йĕрпе коммуналлă пулăшушăн тỹлеме социаллă пулăшу виçисемпе халăхăн социаллă хỹтлĕх пайĕ урлă усă курнă пулсан, 2016 çулхи июлĕн 1-мĕшĕнчен вĕсене тĕп ĕç вырăнĕнче параççĕ (урăх çын вырăнĕнче килĕшỹпе ĕçлекен граждансемсĕр пуçне). Саккунпа килĕшỹллĕн ялти специалистсене пурăнмалли çурт-йĕрпе коммуналлă пулăшушăн, хутса ăшăтнăшăн, ăшăпа, çутăпа тивĕçтернĕшĕн, çунтармалли япаласем туяннине саплаштарма уйăхсерен компенсаци параççĕ. Çавăн пекех нумай хваттерлĕ çуртри пĕтĕмĕшле пурлăха тĕпрен юсанăшăн тỹлеме те параççĕ. Компенсацие уйăхсерен ĕç укçипе пĕр вăхăтра тỹлеççĕ. Ку çăмăллăхпа 10 çултан кая мар ĕçлесе тивĕçлĕ канăва тухнă ялта, поселоксенче (хула йышши поселоксенче) пурăнакансем усă кураяççĕ. Уйăхсерен паракан компенсаци виçи - 1055 тенкĕ. Муниципалитетăн вĕренỹ тата культура учрежденийĕсенче ĕçленĕ граждансене вырăнти хăйтытăмлăх органĕ парать. Чăваш Республикин патшалăх влаçĕн ведомствинчи ветеринари службин учрежденийĕсенче, медицина организацийĕсенче, вĕренỹ, социаллă пулăшу, культура организацийĕсенче вăй хунисене компенсаципе социаллă хỹтлĕх пайĕ тивĕçтерет.
Источник: "Каçал Ен"