30 сентября 2016 г.
Октябрĕн 1-мĕшĕнче Шупашкар заливĕнче Пĕтĕм Раççейри хăвăрт утакансен кунне уявлаççĕ. Мероприятие Петропавловск-Камчаткăран пуçласа Калининград таранах хутшăнаççĕ.
Утса сывлăха çирĕплетес текенсене Шупашкарти Хĕрлĕ тỹремре 11 сехетре кĕтеççĕ. Унта тĕрлĕ ỹсĕмри тата тĕрлĕ профессиллĕ 1 пине яхăн çын хутшăнасса шанаççĕ. Тивĕçлĕ канурисем старта уйрăммăн тухма пултараççĕ. Пĕтĕм Раççейри хăвăрт утакансен кунĕнче "Врачпа уçăлса çỹре" акци те иртет.
Хăвăрт утакансен кунне Раççейре виççĕмĕш хут йĕркелеççĕ. Пĕрремĕш старт 2014 çулхи октябрĕн 10-мĕшĕнче пулнă. Ăна Пĕтĕм тĕнчери "Раççей - спорт çĕршывĕ" форума халалласа тĕп хуламăрта ирттернĕ.
Источник: "Каçал Ен"