27 сентября 2016 г.
1991 çулхи апрелĕн 19-мĕшĕнчи "О занятости населения в Российской Федерации" РФ саккунĕпе тата 2013 çулхи 58 №лĕ "Об утверждении федерального государственного стандарта государственной услуги по организации временного трудоустройства несовершеннолетних граждан в возрасте от 14 до 18 лет в свободное от учебы время" РФ Ĕçпе социаллă хỹтлĕх министерствин приказĕпе килĕшỹллĕн районти халăха ĕçпе тивĕçтерекен центр çул çитмен ачасене ĕçе вырнаçтарассипе активлăн ĕçлет.
Çулталăк пуçланнăранпа çул çитмен граждансене ĕçе вырнаçтарассипе тĕрлĕ организацисемпе 39 килĕшỹ тунă. Кунта ял тăрăхĕсен администрацийĕсем, пĕтĕмĕшле пĕлỹ паракан учрежденисем, ЯХПКсем, индивидуаллă предпринимательсем, "Тăманлă Выçлири кирпĕч завочĕ" АО, "Стройсервис" АХО тата ыттисем кĕнĕ. Паянхи куна центра 292 ача ĕç шыраса пынă, вĕсенчен 270-шĕ вăхăтлăх ĕçсенче ĕçлесе пĕтернĕ, 37-шĕ пушă вăхăтра ĕçлеме пăрахман-ха. Çулталăк вĕçлениччен тата 150 çамрăка ĕçе вырнаçтарма палăртнă.
Вăхăтлăх ĕçсене хутшăннă тапхăрта çул çитмен граждансем территорисене тирпей-илем кỹнĕ, ял хуçалăх продукцийĕсем пуçтарса кĕртнĕ, йывăçсем лартнă, архивсенче документсене тирпейленĕ çĕре хутшăнаççĕ.
14-18 çулхи ачасене ĕçе вырнаçтарассине пурнăçлама республика бюджетĕнчен - 190223 тенкĕ, вырăнти бюджетран 100 пин тенкĕ ытла тăкакланă.
Ĕçе вырнаçса профессионаллă пĕлỹ илнисĕр пуçне çамрăк ăру професси суйлассипе те тулли информаци илет.
К.КОКШИН.
Источник: "Каçал Ен"