13 сентября 2016 г.
Район администрацийĕн ЗАГС уйрăмĕнче август уйăхĕнче 24 ача çуралнине регистрациленĕ, вĕсенчен 14-шĕ - арçын ача, хĕр-ачасем - 10. Ытларах пĕчĕк пепкесене Самир, Андрей, Артемий, Александра, Алина, Виктория ятсем панă.
Çавăнпа пĕрлех август уйăхĕнче 4 ачан ашшĕ кам иккенне палăртнă. Асăннă уйăхра 10 мăшăршăн Мендельсон маршĕ янăранă, 9 мăшăр хăйсен хутшăнăвĕсене сентябрь-октябрь уйăхĕсенче регистрацилеме кăмăл тунă, ЗАГСа заявлени панă. Вĕсенчен 8-шĕ заявленийĕсене Патшалăх пулăшăвĕн пĕрлĕхлĕ порталĕ урлă панă. Шел пулин те, августра 5 мăшăр уйрăлма шут тытнă, 5-шĕ те суд урлă уйрăлнă.
Ачасем çуралаççĕ, юратакан мăшăрсем пĕрлешеççĕ... Çав-çавах пурнăç çăмхи малалла шăвать, иртнĕ уйăхра 33 çын вилни паллă.
Источник: "Каçал Ен"