06 сентября 2016 г.
Республикăри пултаруллă çамрăксене вĕренỹре, ĕçре, спортра, творчествăра тунă çитĕнỹсемшĕн ятарлă стипендипе хавхалантарасси йăлана кĕнĕ. Çакă Чăваш Ен Пуçлăхĕн хушăвĕпе килĕшỹллĕн пулса пырать. Кăçал та Чăваш Республикинчи Çамрăксен пуçарулăхĕсен центрĕнче 14-30 çулсенчи çамрăксенчен сентябрĕн 20-мĕшĕччен ятарлă стипенди илмешкĕн документсем йышăнаççĕ.
Конкурса вĕренỹре, спортра, наука, тĕпчев, производство ĕçĕнче курăмлă çитĕнỹсем тунă пултаруллă вĕрентекенсем тата тĕрлĕ отрасльте ĕçлекенсем хутшăнма пултараççĕ. Кун çинчен тĕплĕнрех район администрацийĕн вĕренỹпе çамрăксен политикин пайĕнче ыйтса пĕлме пулать.
Источник: "Каçал Ен"