06 сентября 2016 г.
Сентябрĕн 19-23-мĕшĕсенче Чăваш Енре çамрăксен наци театрĕсен "Сказочная палитра" фестивалĕ пĕрремĕш хут иртĕ. Ку мероприятие Çеçпĕл Мишши ячĕллĕ Çамрăксен театрĕ ЧР Культура министерстви пулăшнипе йĕркелет.
Фестивале Чăваш Енри çеç мар, Хусанти, Йошкар-Олари, Чĕмпĕрти çамрăксен патшалăх театрĕсем, Саранскри наци драма театрĕ те хутшăнĕç. Çавна май спектакльсем чăвашла, тутарла, çармăсла пулĕç. Куракансем вĕсен вырăсла куçарăвне итлеме пултарĕç. Кайран фестивальти спектакльсене театр критикĕсем - Мускаври Ирина Мягковăпа Ĕпхỹри Дина Давлетшина - сỹтсе явĕç. Жюри вара тĕрлĕ номинацире çĕнтерỹçĕсене палăртĕ.
Источник: "Каçал Ен"