23 августа 2016 г.
Чăваш Енри аслă вĕренỹ шкулĕсенче йышăну кампанийĕ вĕçленнĕ. Тỹрех палăртмалла, кăçал республикăра аслă шкулсен шучĕ чакнă. Пĕлтĕр 15 заведени пулнă, кăçал - 12 çеç.
ЧР Вĕренỹ министерстви пĕлтернĕ тăрăх, кăçал Раççей патшалăх социаллă университечĕ, Раççей патшалăх вăй-хал культурин, спорт, çамрăксен тата туризм университечĕ, Питĕрти патшалăх экономика университечĕ хăйсен алăкĕсене уçмĕç.
Çав вăхăтрах аслă шкулсенче тỹлевсĕр майпа вĕренмелли вырăнсен хисепĕ ỹснĕ. Кăçал вăл 3486-па танлашнă, пĕлтĕр вара 3214 пулнă. Тỹлевсĕр майпа вĕренме кĕрес тесе 15,4 абитуриент ыйту çырнă. Çапла майпа 1 вырăна 7,3 çын лекнĕ.
И.Я.Яковлев ячĕллĕ ЧППУра тỹлевсĕр вĕренес текенсем нумайрах. Унта пĕр вырăна 11 çын лекнĕ. И.Н.Ульянов ячĕллĕ ЧПУра вара тỹлевсĕр пĕр вырăншăн 8,3 çын кĕрешнĕ. Чăваш патшалăх ял хуçалăх академийĕнче пĕр вырăна 3,8 çын лекнĕ.
Кăçал техника специальноçĕсене суйлакан ытларах пулнине те палăртса хăвармалла.
Источник: "Каçал Ен"