23 августа 2016 г.
Чăваш Енре медицинăна тимлĕх нумай уйăрма тăрăшаççĕ. Çавна май тĕрлĕ программăсем хатĕрлеççĕ, тухтăрсене хавхалантараççĕ. Кĕçех Чăваш Ене васкавлă медпулăшăвăн 13 машини çитмелле. Вĕсем хальхи йышшисем. Унчченхисемпе танлаштарсан, лайăхрах. Вĕсене Раççей Промышленность тата суту-илỹ министерствипе ЧР Сывлăх сыхлавĕн министерствин васкавлă медпулăшу станцийĕ хушшинчи килĕшĕве алă пуснă хыççăн сентябрь уйăхĕнче илсе килĕç. 12 машина В класлă ("Газель") пулĕ, пĕри - С класлă реанимобиль ("Форд транзит"). Сăмах май, Чăваш Енре халĕ фельдшерсемпе тухтăрсен 100 бригади çынсене васкавлă медпулăшупа тивĕçтерет. Хуласенче медицина ĕçченĕсем чирлĕ çын патне 12,5 минутран çитеççĕ, ялсенче 15,7 минутран.
Источник: "Каçал Ен"