23 августа 2016 г.
Районти ял хуçалăх предприятийĕсенче августăн 22-мĕшĕ тĕлне 14411 гектар е вырмалли лаптăкăн 91,6 проценчĕ çинчи пĕрчĕллĕ тата пăрçа йышши тырăсене çапнă. Пурĕ 36596 тонна тĕшĕленĕ, кашни гектарăн вăтам тухăçĕ 25,4 центнерпа танлашать. Çак куна 19 хуçалăхра вырма вĕçленнĕ. Тепĕр 9 хуçалăхра вара "уй-хир карапĕсем" юлашки гектарсем çинче ĕçлеççĕ.
Август вĕçĕ - сентябрь пуçламăшĕ - кĕрхи культурăсене акмалли чи лайăх тапхăр. Асăннă кун тĕлне "Искра" колхозра 90 гектар кĕрхи тулă, "Труд" кооперативра 20 гектар ыраш акма ĕлкĕрнĕ те. 2237 гектар çинче çĕртме тунă.
"Турхан" кооперативпа "Госсортстанция" предприятире 18 гектар лартма сухан-севока пуçтарса илнĕ, пурĕ 135 тонна типĕтсе пỹлмесене хунă.
"Слава картофелю" агрофирмăра тата Васильев фермер хуçалăхĕнче 18 гектар çĕрулми кăларнă.
Ш.ЗЕЙНУТДИНОВ.
Источник: "Каçал Ен"