02 августа 2016 г.
Районти халăха ĕçпе тивĕçтерекен центр Раççей Федерацийĕн Президенчĕн 2012 çулхи майăн 7-мĕшĕнчи Указĕпе отпускри, 3 çула çитичченхи ачасене пăхакан хĕрарăмсене професси пĕлĕвĕ парассипе, вĕсен квалификацине ỹстерессипе ĕçлет.
Ĕç килĕшĕвĕллĕ, 3 çула çитичченхи ачасене пăхакан хĕрарăмсем, çавăн пекех ачисем 3 çула çитмен ĕçлемен хĕрарăмсем те вĕренсе пĕлỹ илме пултараççĕ.
2016 çулта професси илме вĕренме кайнисем, ĕç килĕшĕвĕнче тăракан виçĕ хĕрарăм тата ĕçсĕр виçĕ хĕрарăм професси пĕлĕвĕ илнĕ. Вĕренсе килнĕ хĕрарăмсем вĕренни вĕсене квалификацие ỹстерме çеç мар, çĕнĕ професси туянма пулăшни, ĕçе вырнаçма май пулни çинчен пĕлтернĕ.
Халăха ĕçпе тивĕçтерекен центр опычĕ декретри хĕрарăмсене ĕçе тухиччен професси пĕлĕвĕ илме пулăшнине, çавăн пекех хĕрарăмсем хушшинчи ĕçсĕрлĕхе чакарнине те кăтартса парать. Çакă çамрăк амăшĕсемшĕн çеç мар, ĕç паракансемшĕн те меллĕ.
3 çула çитичченхи ачасене пăхакан хĕрарăмсене вĕренсе професси илсе 2016 çулта ĕçе тухас тесен районти ĕçпе тивĕçтерекен центра кĕтетпĕр.
Г.КОКШИН,
директор.
Источник: "Каçал Ен"