29 июля 2016 г.
Сочи хулинче хĕрарăмсен ирĕклĕ кĕрешĕвĕн Раççей сборнăйĕн тренерсен канашĕн юлашки ларăвĕ иртнĕ. Унта Рио-де-Жанейрора иртекен Олимпиада вăййисене хутшăнакан команда йышне палăртнă. Командăна Раççейĕн 2016 çулхи пĕтĕм чемпионки кĕнĕ: Милана Дадашева, Валерия Коблова, Инна Тражукова, Наталья Воробьева, Екатерина Букина.
Çакна пĕлтерме кăмăллă. Бразилие каякансем хушшинчи Наталья Воробьева - Шупашкарти В.Н.Кочков ячĕллĕ олимп резервĕсен 5-мĕш шкулĕн воспитанници. Вăл - олимп чемпионĕ, тĕнче чемпионĕ, Европăн икĕ хут чемпионĕ. Августăн 17-мĕшĕнче 69 килограмлă виçере кавир çине тухать.
Аса илтеретпĕр, çуллахи Олимпиада Бразилири Рио-де-Жанейро хулинче августăн 5-21-мĕшĕсенче иртет.
Источник: "Каçал Ен"