22 июля 2016 г.
Районти ял хуçалăх предприятийĕсем, фермер хуçалăхĕсем вырмана тухнă.
Июлĕн 21-мĕшĕ тĕлне "Дружба" ЯХПКра кĕрхи тулла 10 гектар çинчен пуçтарса кĕртнĕ. Пĕр гектартан илнĕ вăтам тухăç 23 центнерпа танлашнă. "Восток" хуçалăхра 45 гектар çинчи кĕрхи тулла çапса кĕртнĕ (21,3 центнер), "Победăра" - 14 гектар (21,4 центнер), "Çĕрулмине мухтав" ОООра - 84 гектар (27,4 центнер), "Рассвет" ЯХПКра - 40 гектар (30 центнер) çинчен кĕрхи тулла çапса тĕшĕленĕ. "Родина" хресчен фермер хуçалăхĕнче вара кĕрхи тулăпа кĕрхи ыраша 30-шар гектар пухса илнĕ. Хайртдинов фермер хуçалăхĕнчи ĕçченсем кăçал вырма ĕçне чи пĕрремĕш пуçăннăччĕ. Унта 82 гектар кĕрхи ырашран 75 гектарне пуçтарса та кĕртнĕ.
Кĕçнерникун тĕлне районти хуçалăхсенче пурĕ пĕрчĕллĕ тата пăрçа йышши культурăсен 338 гектарне çулнă, 328 гектарне çапнă. Хальлĕхе 839 тонна тĕштырă пуçтарса илнĕ, кашни гектарăн вăтам тухăçĕ - 25,6 центнер.
Çавăн пекех утăпа сенаж хатĕрлес ĕç те малалла пырать. 18124 тонна (113 процент) сенаж, 16080 тонна утă (153 процент) янтăланă.
Çитес вăхăтрах ытти хуçалăхсем те уяр кунсемпе усă курса вырма ĕçĕсене пуçăнасса, ĕçе вăхăтра пĕтерессе шанас килет.
Ш.ЗЕЙНУТДИНОВ.
Источник: "Каçал Ен"