12 июля 2016 г.
Утă уйăхĕн 8-мĕшĕнче, Çемье, юрату тата шанчăклăх кунĕнче, Шупашкарта, арçынсен Çветтуй Троица мăнастирĕпе юнашар, çемье управçисене - Петĕрпе Февроние - халалланă палăка савăнăçлă лару-тăрура уçнă. Палăка бронзăран шăратса кăларнă.
Çветтуйсен сăнарĕсене чун кĕртекенсем - Сергей Исаков скульпторпа Валерий Бобков художник. Петĕрпе Февроние халалланă палăка уçнă çĕре Чăваш Республикин Пуçлăхĕ М.Игнатьев, Шупашкар хула пуçлăхĕ Л.Черкесов, Чăваш митрополийĕн Пуçлăхĕ Варнава тата ыттисем те хутшăннă.
Источник: "Каçал Ен"