05 июля 2016 г.
Июлĕн 1-мĕшĕнче çĕршывра Пĕтĕм Раççейри ял хуçалăх çыравĕ пуçланчĕ. Районти 24 çыравçă ĕçе пуçăннă та. Вĕсем хăйсене çирĕплетсе панă участоксенчи кашни киле çитсе ыйтусем çине хуравсем пуçтараççĕ.
Июлĕн 3-мĕшĕнче Чăвашстат ертỹçи Эльвира Максимова тата Пĕтĕм Раççейри ял хуçалăх çырав службин штатра тăман ертỹçи Любовь Соколова районта ĕçлĕ визитпа пулнă. Вĕсем Комсомольскинчи инструктор участокĕн ĕçĕ-хĕлĕпе паллашнă, çыравçăсемпе курнăçнă. Тепĕр хутчен çырав хучĕсене епле хатĕрлемеллине, планшетпа информацие мĕнле пуçтармаллине аса илтернĕ, хумхантаракан ыйтусем çине хуравланă, сĕнỹ-канаш панă.
(ХАМĂР ИНФ.).
Источник: "Каçал Ен"