28 июня 2016 г.
Июнĕн 25-мĕшĕнче Йĕпреç районĕнче Чăваш Республикин Пуçлăхĕн Михаил Игнатьевăн парнине çĕнсе илессишĕн "Спорт çемйи" республикăри фестиваль иртрĕ. Республикăри спортпа туслă 21 çемье тĕрлĕ ăмăртусенче тупăшрĕ. Ашшĕ-амăшĕпе тĕрлĕ ỹсĕмри ачисем çуран чупса, дартс персе, ишсе, турник çинче туртăнса, çĕкленсе вăй виçрĕç.
Комсомольски район чысне Шурут ял тăрăхĕнче пурăнакан Ефремовсем - Роза Александровна, Валерий Витальевич тата 11 çулхи Вероника - хỹтĕлерĕç. Вĕсем ăмăртусенче хастарлăхпа палăрса фестивальте виççĕмĕш вырăна алăран вĕçертмерĕç.
Çĕнтерỹпе саламлатпăр.
Ю.БОРОВКОВ.
Источник: "Каçал Ен"