28 июня 2016 г.
Кашни çулах июнĕн 29-мĕшĕнче паллă тăвакан Партизансемпе подпольщиксен уявĕ - Раççейри паллă кунсем хушшинче çĕнĕ уяв. 2009 çулхи апрелĕн 10-мĕшĕнче РФ Президенчĕ Партизансемпе подпольщиксен уявне паллă кунсен шутне кĕртме саккун кăларнă. Асăннă саккун 2010 çулхи январĕн 1-мĕшĕнчен вăя кĕнĕ.
Уява июнĕн 29-мĕшĕнче уявлама йышăнни историнчи пĕр паллă пулăмпа çыхăннă. Шăпах çак кун 1941 çулта СССР тата ЦК ВКП(б) Совнаркомĕ Хушу кăларнă. Унпа килĕшỹллĕн фронт çумĕнчи партипе совет организацийĕсен партизан отрячĕсене йĕркелемелле пулнă.
Çакăнтах çĕнĕ паллă куна кĕртме Брянск облаçĕн законодателĕсем пуçарупа тухнине палăртса хăвармалла. Аслă Отечествăлла вăрçă вăхăтĕнче Брянщина партизансен юхăмĕн центрĕ пулса тăнă.
Источник: "Каçал Ен"