28 июня 2016 г.
Июнĕн 25-26-мĕшĕсенче Куславкка районĕнчи Шутнер ялĕнче Чăваш Республикинчи пуçлăхсем тата муниципаллă пĕрлĕхсен служащийĕн кунĕ иртнĕ.
Пухăннисене Чăваш Республикин Пуçлăхĕ Михаил Игнатьев, ЧР Пуçлăхĕн Администрацийĕн ертỹçи Юрий Васильев тата ыттисем саламланă, ăмăртусенче ăнăçу суннă.
Михаил Васильевич республика Правительстви тата вырăнти хăй тытăмлăх органĕсем бизнес-пĕрлешỹсемпе, обществăлла институтсемпе килĕштерсе ĕçленипе Чăваш Ен Раççейри инвестици енчен чи илĕртỹллĕ регионсенчен пĕри пулнине палăртса хăварнă. Ахальтен мар инвестици илĕртỹлĕхĕн рейтингĕнче республика тăххăрмĕш вырăнтан улттăмĕш вырăна хăпарнă.
Пуçлăх кунне Комсомольски район команди те хастар хутшăннă. Вĕсем поварсен тупăшăвĕнче пĕрремĕш вырăна тухнă. Вырнаçнă вырăна тирпейлессипе те Каçалсем пĕрремĕшсем пулнă. Пултарулăх конкурсĕнче район команди иккĕмĕш вырăн йышăннă.
(ХАМĂР ИНФ.).
Источник: "Каçал Ен"