21 июня 2016 г.
Асăннă ĕç-пуç мĕн сăлтавпа пулса иртнине калама та хĕн, хĕрарăмсем хăйсем çеç лайăх пĕлеççĕ пуль. Кăçалхи январĕн 17-мĕшĕнче каçкỹлĕм Хирти Выçли ялĕнче пулнă ку ĕç.
Çакскерсем плотина çинче тĕл пулнă та хирĕçсе кайнă. Ỹсĕр этемшĕн тĕнче тикĕс теççĕ вĕт. Арçыннăн çеç мар, хăш-пĕр хĕрарăмăн алли те çỹлте эрехпе пуçне минретсен. К. гражданка 0,25 литрлă кĕленче бутылка шыраса тупса сиен кỹрес тĕллевпе тепĕр хĕрарăма пуçĕнчен тата аллинчен çапма пуçланă, ун хыççăн çырмана чышса янă. Çавна пула П. гражданкăн пуçĕ, сылтăм алли, ỹт-пĕвĕ хытах аманнă. Çакăн пек ирсĕр ĕç тунипе çеç чарăнман урнă ĕне сĕчĕ ĕçсе ỹсĕрĕлнĕскер. Пулăшас вырăнне инкек тỹссе çырмара выртаканăн сумкинчен телефонне тата укçине кăларса илнĕ те преступлени вырăнĕнчен пăрахса кайнă.
Çыннăн сывлăхне сиен кỹнĕшĕн, 2260 тенкĕлĕх пурлăх вăрланăшăн Елчĕк район сучĕ К. гражданкăна 3 çул та 1 уйăхлăха ирĕкрен хăтарнă. К. гражданка наказание пĕрлĕхлĕ режимлă юсанмалли колонире ирттерĕ.
М.ЕВДОКИМОВА.
Источник: "Каçал Ен"