Публикации » Чăваш марафонçисем Олимпиадăна хатĕрленеççĕ

15 июня 2016 г.

 Пĕтĕм тĕнчери çăмăл атлетика ассоциацийĕ Раççей атлечĕсене пысăк ăмăртусене вăхăтлăха хутшăнма чарчĕ пулин те пирĕннисем Олимпиадăна хĕрсех хатĕрленеççĕ. Хамăр тăрăхра иртекен кашни ăмăртура вăй виçсе рейтинг валли очкосем пухаççĕ. 2012 çулхи Олимп вăййисен бронза призерĕ Татьяна Архипова та тĕнче стартне тухас тĕллевлĕ. Нумаях пулмасть РФ спортăн тава тивĕçлĕ мастерĕ марафонçăсен ăмăртăвĕнче ылтăн медаль çĕнсе илнĕ. Волгоград хулинче иртнĕ çĕршыв чемпионатĕнче 42 километрлă дистанцие Вăрмар районĕнчи Карăкçырми пики пĕрремĕш вĕçленĕ. Ун хыççăн финиша Чăваш Енĕн тепĕр атлечĕ Алина Прокопьева çитнĕ. Пĕтĕм Раççейри çăмăл атлетика федерацийĕ пĕлтернĕ тăрăх - чăваш марафонçисем Рио-де-Жанейрăна каймашкăн суйлав нормативне пурнăçланă.

Источник: "Каçал Ен"