29 апреля 2016 г.
Пушар хуралĕн кунĕ çитес умĕн 31-мĕш пушар чаçне район администрацийĕн пуçлăхĕ Алексей Самаркин, республикăри чрезвычайлă лару-тăру патшалăх комитечĕн председателĕн çумĕ Олег Павлов ĕçлĕ визитпа çитнĕ.
Ĕçлĕ ушкăн пушар хуралĕн ĕçченĕсемпе тĕл пулнă. Олег Павлов республикăри пушар хăрушсăрлăхĕн лару-тăрă-вĕпе паллаштарнă, пушарсен йышĕ ỹсни тата районти пушарсенче çынсен пурнăçĕ татăлни çинче чарăнса тăнă. Çавăнпа пĕрлех район çыннисемпе профилактика мероприятийĕсем ирттерме тĕллевсем лартнă.
Çанталăк уяртнипе тата çĕр типнипе çынсем курăксене, хăрăк туратсене пуçтарса çунтарма пуçланă, çавăнпа та ĕçлĕ тĕлпулура çакă тĕп ыйтусем хушшинче пулнă. Çавăнпа пĕрлех çутçанталăк пушарĕсемпе мĕнле кĕрешмеллине те сỹтсе явнă.
(ХАМĂР ИНФ.).
Источник: "Каçал Ен"