18 апреля 2016 г.
Районта пурăнакан хисеплĕ çынсем, сире Çĕнтерỹ кунĕ умĕн "Тавтапуç сире" фотоконкурс пуçланни пирки пĕлтеретпĕр. Асăннă конкурса Аслă Çĕнтерĕве халалласа ирттернĕ мероприятисен фотографийĕсене, Аслă Отечествăлла вăрçă ветеранĕсен сăн ỹкерчĕкĕсене тăратма юрать.
Сăн ỹкерчĕксене уявпа çыхăнтарса тусан лайăхрах пулĕ. Унсăр пуçне ĕçре уявăн пĕр элеменчĕ те пулин пулмалла: Георги хăйăвĕ, çар тумĕ, танксем, самолетсем, районти палăксемпе монументсем...
Конкурс çакăн пек номинацисемпе иртĕ:
1. Ятарлă форма тăхăнса тунă (пехотинец, моряк, санитарка...) фотографисем.
2. Ачасăр пуçне сăн ỹкерчĕкре çар техники/атрибутсем (çар техники, реквизитсем, палăксем, плакатсем тата ытти те...) пулмалла.
Конкурса хутшăнма А3 форматлă сăн ỹкерчĕксене "Çĕр тата çынсем" халăх музейне (Комсомольски ялĕ, Шкул çумĕнчи тăкăрлăк, 1-мĕш çурт) 2016 çулхи майăн 5-мĕшĕччен илсе çитермелле.
Мала тухнисем Комсомольски ял тăрăхĕн Хисеп грамотисене тивĕçĕç.
А.ПОЛЯКОВА.
Источник: "Каçал Ен"