18 апреля 2016 г.
Аслă Отечественнăй вăрçăра çĕнтернĕренпе 71 çул çитнине кĕтсе илме хатĕрленессипе апрелĕн 18-мĕшĕнче йĕркелỹ комитечĕн пирвайхи ларăвĕ иртнĕ. Ăна район тата район администрацийĕн пуçлăхĕсем Хасиятулла Идиатуллин, Алексей Самаркин ертсе пынă.
Майăн 9-мĕшĕччен юлнă вăхăтра пурнăçламалли чылай-ха: вăрçăра пуç хунисен ячĕпе лартнă палăксене йĕркене кĕртмелле, Çĕнтерỹ парадне ирттерме хатĕрленмелле, тирпей-илем çине те тимлĕх уйăрмалла.
Тĕп уяв - Çĕнтерỹ парачĕ - район центрĕнче майăн 9-мĕшĕнче иртет, вăл 11 сехетре пуçланать. Ял тăрăхĕсенче уява майăн 6-8-мĕшĕсенче йĕркелесе ирттермелле.
Источник: "Каçал Ен"