18 апреля 2016 г.
Чăваш Республикинчи "ФКП Росреестр" ФГБУ пĕлтернĕ тăрăх, Аслă Çĕнтерỹ кунĕ умĕн Аслă Отечественнăй вăрçă ветеранĕсенчен килне кайсах документсене йышăнма тата хатĕр хутсене пырса пама май пур. Енчен те куçман пурлăха вăрçă ветеранĕ çине регистрациленĕ пулсан, çак пулăшу тỹлевсĕр.
Çавăнпа пĕрлех Росреестр ĕçченĕсем Аслă Отечественнăй вăрçă ветеранĕсене Росреестр паракан патшалăх пулăшăвĕн тĕсĕсемпе тĕплĕн паллаштарĕç, мĕнлерех документсем кирлине ăнлантарĕç.
Ветерансем валли çеç Кадастр палати 3 ĕç кунĕ хушшинче куçман пурлăхăн кадастр учетне пурнăçлать, куçман пурлăхăн патшалăх кадастрне кĕрекен сведенийĕсемпе 1 ĕç кунĕ хушшинчех тивĕçтерет.
Источник: "Каçал Ен"