15 апреля 2016 г.
Апрелĕн 12-мĕшĕнче пушар надзорĕн районти уйрăмĕн сотрудникĕсем, 31-мĕш пушар чаçĕн ĕçченĕсем черетлĕ профилактика рейчĕ ирттернĕ. Вĕсем Комсомольски ялĕнче пурăнакан нумай ачаллă тата ăнăçсăр çемьесене çитсе пушар хăрушсăрлăхĕн правилисемпе паллаштарнă, хăйсем тĕллĕн тунă ăшăтакан приборсем мĕн патне илсе çитерме пултарнине ăнлантарнă. Çунакан кăмака е кивĕ электропроводкăпа асăрхануллăн усă курмаллине асра тытма чĕнсе каланă.
Çавăнпа пĕрлех пушарнăйсем кил-çурт хуçисене, предприятисемпе организаци специалисчĕсене пушарсем час-часах мĕнрен пуçланса кайнине аса илтернĕ, васкавлă пулăшу службисен телефон номерĕсене пĕлтернĕ. Тĕлпулу вĕçĕнче вара кашнинех пушар хăрушсăрлăхĕн правилисене уçăмлатса панă памяткăсене тыттарнă.
И.ЧАРКИН.
Источник: "Каçал Ен"