15 апреля 2016 г.
Нумаях пулмасть Мускаври В.В.Бианки ячĕллĕ ача-пăча библиотекинче "Краски Чувашии" ỹкерчĕксен конкурсĕн çĕнтерỹçисене чысланă. Регионти проект координаторĕ - РФ Патшалăх Думин Вĕренỹ енĕпе ĕçлекен комитечĕн председателĕн çумĕ, "Единая Россия" партин Генеральнăй совечĕн Президиумĕн членĕ Алена Аршинова.
"Краски Чувашии" конкурса Чăваш Енрен тата Мускав, Санкт-Петербург хулисемпе Ленинград облаçĕнчи чăвашсен культурăпа наци автономийĕсенчен 300 ытла ỹкерчĕк тăратнă. Чи лайăх ỹкерчĕксемпе тата Чăваш Республикипе туллин паллаштаракан кĕнекесемпе выставка йĕркеленĕ. Çавăн пекех тĕрлĕ мастер-классем ирттерни те çамрăк ỹнерçĕсен кăмăлне кайнă. Чи кăсăкли вара - хăнасене "Улăп" халапри йĕркесене перопа çырма сĕнни.
Асăннă ал çырăвне Чăваш Ене янă, унпа ятарлă кĕнеке хатĕрлеççĕ. Алена Аршинова конкурс çĕнтерỹçисене саламланă, ăнăçу суннă.
Источник: "Каçал Ен"