12 апреля 2016 г.
Нумаях пулмасть СССР летчик-космонавчĕн А.Г.Николаевăн мемориал комплексĕнче Юрий Гагаринпа Герман Титов космоса вĕçсе кайнăранпа 55 çул çитнине халалласа йĕркеленĕ "Космос тата ачасем" ачасен ĕçĕсен республикăри конкурсне пĕтĕмлетнĕ. Асăннă конкурс "Ỹкерчĕк", "Алĕç искусстви", "Сăвăсем" номинацисемпе иртнĕ.
Конкурса ачасен хушма пĕлỹ паракан районти центрĕн вĕренекенĕсем те хутшăннă. Çĕнĕ Мăрат вăтам шкулĕнче вĕренекен Ольга Макарова "Космосри савăнăçлă çул çỹрев" номинацире хăйĕн ỹкерчĕкĕпе 2-мĕш вырăн çĕнсе илнĕ. Уйрăмах пирĕн ачасем алĕç искусствин конкурсĕнче палăрчĕç. Комсомольски 1-мĕш вăтам шкулĕнчи Кирилл Пермяков (Л.Галкина ертỹçĕ), Çĕнĕ Мăратри Федор Александров 2-мĕш, Максимпа Макар Макаровсем 3-мĕш вырăнсене (ертỹçисем - Т.Соловьева, Т.Тихонова) йышăнма пултарчĕç.
Н.МАКСИМОВ.
Источник: "Каçал Ен"