12 апреля 2016 г.
Хĕвеллĕ ăшă кунсем çитрĕç. Юр çырма-çатрасемпе сăрт-ту айккисенче çеç юлчĕ. Часах уй-хирте трактор-машина сасси кĕрлеме пуçлĕ.
Районти ял ĕçченĕсем çуракине тăрăшсах хатĕрленеççĕ. Вăрлăх хатĕрлеççĕ, минераллă удобренипе çунтармалли-сĕрмелли материалсем янтăлаççĕ. Ял хуçалăх предприятийĕсенчи техникăпа кăкарса ĕçлемелли агрегатсене тĕрĕслеççĕ. Апрелĕн 11-мĕшĕ тĕлне комисси чылай хуçалăха çитнĕ те ĕнтĕ, тата 12 хуçалăхра тĕрĕслемелли юлнă.
"Урожай" колхозра 50 тонна, "Труд" кооперативра 15 тонна çĕрулмине яровизацилеме хунă. Çывăх вăхăтрах ытти çĕрте те çак ĕçе пуçăнĕç. Унсăр пысăк тухăç илеймĕн.
Ш.ЗЕЙНЕТДИНОВ.
Источник: "Каçал Ен"