25 марта 2016 г.
Мартăн 21-мĕшĕнче районти халăха ĕçпе тивĕçтерекен центрта "Стиг" ООО тата "Спецмонтажавтоматика" АХО организацисем валли ĕçченсем тупас тĕллевпе вакансисен ярмăркки иртрĕ.
Асăннă ярмăрккана 10 çын хутшăнчĕ. Вĕсене ĕç рынокĕнчи лару-тăру, базăри вакансисем тата республика тулашĕнче ĕç тупас майсем пирки пĕлтернĕ. Мероприятие ирттернĕ май районта пурăнакан 3 çын собеседовани витĕр тухса асăннă организацисенче ĕçлеме килĕшнĕ.
Республика тулашне ĕçлеме кайма хатĕр граждансене ĕçпе тивĕçтерекен центрта кĕтетпĕр. Адресĕ: Комсомольски ялĕ, Завод урамĕ, 29-мĕш çурт.
К.КОКШИН.
Источник: "Каçал Ен"